| |
 |
Atalak |
|
|
|
|
|
|
|
|
|
|
|
|
|
|
|
|
| |
|
Azala |
|
|
|
| |
|
Naturaren Txokoa |
|
|
|
|
|
| |
|
|
| |
18 urte ditu gure alkarrizketatuak
eta 18 urtetik 14 gimnasia erritmikoa egiten emon ditu.
Onintza Larrinaga Gandiaga dogu, eta azterketa sasoian
egon arren, tartetxo bat hartu eban guretzat. Mertzi. |
| |
– Ikasi eta ikasi zabilz...
Bai, zuzenbidea nabil ikasten eta oraintxe daukaguz
azterketak.
– Ez dozu orduan asti handirik izango
entrenateko....
Ez, azterketa sasoian ez, baina gero, amaitutakoan
hasiko naz atzera be.
– Noiz hasi zinan gimnasia egiten?
Lau urtegaz. Txikitan Zaragozan bizi ginan eta han
gimnasia erritmiko eskola egoan. Neuk eskatu neutsen
gurasoai gimnasia nahi nebala egin.
|
| |
|
– Beti gusta izan jatzu..
Txiki-txikitatik. Telebisinoan ikusi neban eta nik haxe
nahi nebala egin erabagi neban. Hasi nintzanean psikomotrizidadeko
klaseak ziran. Gimnasia-gimnasia egiten bost urtegaz
hasi nintzan.
– Herri handietan normala da holako taldeak
egotea. Ondarroan zelan konpondu zara?
Zoritxarrez, herrian ez daukagu gimnasia erritmiko talderik.
Durangora joan nintzan, hango taldeagaz entrenateko.
Talde federatua behar genduanez Bermeora joan ginan,
Bermeoko “Xixili” gimnasia errritmiko taldera.
Holan Espainiako Txapelketan hartu genduan parte abenduan.
Gijonen izan zan eta maila handia egon zan. Ikustekoak
ziran zazpi urteko umeak eta zelakoak egiten zituen!
Esperientzia polita izan da. Gijongo kanpin baten egon
ginan eta ezagunak egin ginan, “las de gimnasia”ginan,
moñetagaz ibilten ginan ba. Preparazinoa gogorra
izan da baina merezi izan dau.
|
| |
– Holako txapelketa bat preparateko
behar asko egin beharko da...
Ordu asko sartu behar dira bai, egunero-egunero gainera.
Uda guztia pasa dot egunero Bermeora joaten. Udatzanean
Euskadiko txapelketak egozan eta horreexek preparaten.
Hirutik barruan egon behar dozu Espainiakoetan parte
hartzeko.
– Zer behar da gimnasia erritmikoa
egiteko?
Flexibilidadea, indarra, koordinazinoa, erritmoa,
espresibidadea, teknika, hau da, aparatuak ondo manejatea...Gimnasia
guztietan lez, estetika be inportantea da, beste kirol
batzuetan baino gehiago hartzen da kontuan. Zaindu
beharra dago baina estremo barik. Inportantea da,
ez inportanteena.
– Ze aparatu erabilten dozue?
Pelota, mazak, zintak, aroa eta soka. Kategoria eta
edade bakotxean batzuk ala besteak erabilten dira.
“Manos libres” modalidadea be badago,
ume txikiak egiten dabena. Gu jubenilak gara eta,
esate baterako, konpetitzeko pelotak eta aroak toka
jakuzan. Ni neuri gehien pelota eta mazak gustaten
jataz. Gatxena zinta da.
|
| |
|
| |
–
Zelan preparaten dozuez txapelketak?
Lehenengo ze aparatu erabili behar dan jakiten dogu. Gero,
horren arabera, musika, jantzia eta koreografia aukeratu.
– Non lortzen dozuez jantziok?
Palentziako Pepita izeneko andra batek egiten ditu. Geuk
erabagiten dogu zelakoa izango dan: guk dibujoa bialdu
eta berak egin. Beste taldeetakoenak be berak egiten dituanez,
esan egiten deusku “hareek holakoa daroe”.
Jakinaren gainean egotea ona da, bardina eroan barik ba!
Indibidualerako Donostian be egin izan doguz baina talderako
Palentzian egin izan deuskuz beti.
– Konpetitzeko pinta be egiten zarie...
Bai, espresinoa hobeto igarteko.
– Urduri egoten zara txapelketetan?
Bixkat, normala da. Beti pentsaten dot: ondo egingo
dozu, eta listo, aurrera. Dana ahaztu eta mala letxeagaz
urten, urduritasunak ez igarteko moduan.
– Oraindik ez deutsut galdetu, baina zenbat zarie
taldean?
Bost gara: Ane eta Maider durangarrak, Nerea mungiarra,
Maite bermeotarra eta neu, Onintza ondarrutarra. Irakaslea
Macarena dogu. Gogorra da, demaseko kaña sartzen
deusku baina berari esker eta Durangon entrenatzaile
izan genduan Mireni esker, Espainiako txapelketan egon
ginan eta nahikoa da berori. Ondo konpontzen gara taldean.
Edadea be antzekoa daukagu.
|
| |
|
| |
|
– Jarraitu egingo dozu
gimnasia erritmikoa egiten?
Ahal dodan bitartean bai. Geroago eta asti gitxiago
daukat. Aurten Bilbon nago ikasten eta han konpetizinorako
aerobika egingo dot. Datorren urtean gimnasiagaz jarraitzeko
esperantza daukat. Ez da erraza izango danak egitea,
baina ahal dan neurrian jarraitu egingo dot gimnasia
egiten. Asko gustaten jat. Kirolik politena da. Ikasi
eta entrena, entrena eta ikasi. Ez da erraza izango
baina gustora egiten danean, dana egiten da hobeto.
Asko gustaten jako gimnasia erritmikoa Onintzari. 14
urte dabil horretan baina ez da aspertu. Konturatu zarie
zelako erretratuak? Kirol dotorea da gero! Segi ondo
pasaten gustaten jatzunagaz eta hurrengoan be izango
dogu zure barri.
|
| |
|
|
|
 |
|
| |
|
|
|
|
